Plus One Trial Allotment
പ്ലസ് വണ്‍ പ്രവേശനത്തിന്‍റെ ട്രയല്‍ അലോട്ട്മെന്റ് ജൂണ്‍ 8 ന് പ്രസിദ്ധീകരിക്കും. സ്‌കൂളുകളില്‍ നിന്നും വെരിഫിക്കേഷന്‍ പൂര്‍ത്തിയാക്കിയ അപേക്ഷകളുടെ അലോട്ട്മെന്റ് സാധ്യതകള്‍ ട്രയല്‍ അലോട്ട്മെന്‍ില്‍ നിന്നും മനസ്സിലാക്കാം. www.hscap.kerala.gov.in എന്ന വെബ്‌സൈറ്റില്‍ അപേക്ഷാ നമ്പരും ജനനത്തീയതിയും നല്‍കി ട്രയല്‍ ലിസ്റ്റ് പരിശോധിക്കാം. ട്രയല്‍ ലിസ്റ്റ് ജൂണ്‍ 9 വരെ പരിശോധിക്കാം. ട്രയല്‍ അലോട്ട്‌മെന്റിനു ശേഷവും ഓപ്ഷനുകള്‍ ഉള്‍പ്പെടെയുളള അവസാന തിരുത്തലുകള്‍ ആവശ്യമുണ്ടെങ്കില്‍ വരുത്താവുന്നതാണ്. തിരുത്തലിനുളള അപേക്ഷകള്‍ ജൂണ്‍ 9 ന് വൈകുന്നേരം അഞ്ച് മണിക്ക് മുമ്പ് ആദ്യം അപേക്ഷ സമര്‍പ്പിച്ച സ്‌കൂളുകളില്‍ സമര്‍പ്പിക്കണം. തെറ്റായ വിവരങ്ങള്‍ നല്‍കി ലഭിക്കുന്ന അലോട്ട്മെന്റ് റദ്ദാക്കപ്പെടും.
ഇനിയും കൗണ്‍സലിങിന് ഹാജരാകാത്ത വിഭിന്നശേഷി വിഭാഗത്തില്‍ ഉള്‍പ്പെടുന്ന വിദ്യാര്‍ത്ഥികള്‍ വൈകല്യം തെളിയിക്കുന്ന സര്‍ട്ടിഫിക്കറ്റ് ജില്ലാതല കൗണ്‍സലിങ് സമിതിക്ക് മുന്നില്‍ ജൂണ്‍ 9 നകം പരിശോധനയ്ക്ക് ഹാജരാക്കി. റഫറന്‍സ് നമ്പര്‍ വാങ്ങി അപേക്ഷയിലുള്‍പ്പെടുത്തണം.
ഓണ്‍ലൈനായി അപേക്ഷ അന്തിമമായി സമര്‍പ്പിച്ച ശേഷം വെരിഫിക്കേഷനായി സമര്‍പ്പിക്കാന്‍ കഴിയാതെ പോയിട്ടുള്ള അപേക്ഷകര്‍ക്ക് അവ സമര്‍പ്പിക്കുന്നതിന് ഒരു അവസരം കൂടി നല്‍കും. ഇത്തരം അപേക്ഷകളുടെ ഫൈനല്‍ പ്രിന്‍റൌട്ട് ജൂണ്‍ 9 ന് വൈകിട്ട് അഞ്ച് മണിയ്ക്ക് മുമ്പ് അനുബന്ധ രേഖകള്‍ സഹിതം ഏതെങ്കിലും ഒരു ഹയര്‍സെക്കണ്ടറി സ്കൂളില്‍ സമര്‍പ്പിച്ചാല്‍ മതി. എല്ലാ അപേക്ഷകരും ട്രയല്‍ ലിസ്റ്റ് പരിശോധിക്കേണ്ടതാണെന്നും ഇതിനായി ഹയര്‍സെക്കണ്ടറി സ്‌കൂളിലെ ബ്രോഡ്ബാന്‍ഡ് ഇന്റര്‍നെറ്റ് സൗകര്യങ്ങള്‍ ഉപയോഗിക്കാവുന്നതാണെന്നും ഹയര്‍സെക്കണ്ടറി ഡയറക്ടര്‍ അറിയിച്ചു
| Click for Trial Allotment | Application for Correction | Instruction for Students |
Plus One Trial Allotment
Reviewed by alrahiman
on
6/07/2015
Rating:
Reviewed by alrahiman
on
6/07/2015
Rating:
No comments: